Novo blog, nova páxina de Facebook e por suposto novos ánimos para este curso 2015/2016. Que aínda non nos coñeces? Presentámonos! Somos A.Cl.Abe, a asociación de clases abertas que oferta clases totalmente gratuitas e impartidas por voluntarios na facultade de filoloxía. Se xa nos coñeces doutros anos, saberás do que estamos a falar. Se es novo, só tes que visitar os nosos apartados de información e atender, porque isto é o pistoletazo de saída.
Este semestre as nosas actividades comezan o martes 13 de outubro, de seguro xa viches os nosos carteis pola facultade adiante... Non? Deixa que os adxuntemos!
Bonito, verdade? Pero sobre todo interesante! Estas son as clases ofertadas este semestre, de forma completamente gratuita e para tódolos públicos:
LUNS:
- Español para estranxeiros: de 17:00 a 18:30, aula B01
MARTES:
- Taller de expresión oral e escrita: de 17:00 a 18:30, aula B01
- Alemán: de 18:30 a 20:00, aula B01
MÉRCORES:
- Latín: de 17:00 a 18:30, aula B01
- Inglés: de 17:00 a 18:30, aula B01
XOVES:
- Ucraniano: de 16:00 a 17:30, aula B01
- Francés, de 17:30 a 19:00, aula B01
- Grego clásico: de 17:30 a 19:00, aula B06
VENRES:
- Italiano: de 17:00 a 18:30, aula B01
Como podedes ver, tódalas materias agás grego impártense na aula B01 da facultade de filoloxía, pero tanto esta coma a B06 están no primeiro andar, sen pérdida. Para obter calquera outra información, ou facernos chegar as vosas dudas, suxestións ou preguntas só tedes que manifestarvos neste blog ou na nosa páxina de facebook. Esperamos ter un bo ano e pasalo moi ben con vós.
Un saúdo!
A.Cl.Abe
